Oferta

«OVVA TV» xizmatini taqdim etish toʻgʻrisida kelishuv

28.02.2025 y.

“OVVA TV” xizmatini taqdim etish toʻgʻrisidagi ushbu kelishuv (keyingi o‘rinlarda - Kelishuv) ommaviy oferta va ushbu Kelishuvni unda ko‘rsatilgan shartlarda tuzish uchun yo‘naltirilgan taklif hisoblanadi. Yuqoridagi oferta jismoniy yoki yuridik shaxs tomonidan faqat ushbu Kelishuvga toʻliq qoʻshilgan holda qabul qilinishi mumkin.

Ushbu Kelishuv OVVA TV xizmatidan foydalanish shartlarini tartibga soladi va ushbu Kelishuv tomonlarining asosiy huquq va majburiyatlarini belgilaydi.

1. Kelishuvda ishlatiladigan atamalar va ta’riflar

Avtorizasiya – Xizmatga kirishni ta’minlashda Foydalanuvchining identifikatsiyasi.

Administrator – “OVVA” masʼuliyati cheklangan jamiyat (qisqacha nomi “OVVA” MChJ), Oʻzbekiston Respublikasi qonunchiligiga muvofiq tashkil etilgan va roʻyxatdan oʻtgan (STIR 311366013) yuridik shaxs boʻlib, Platforma egasi va Xizmatga kirishni ta’minlovchi maʼmur (administrator).

Videokontent – syujetning qisqacha matni va/yoki audiovizual tavsifini (shu jumladan treylerlar, posterlar, kadrlar) o‘z ichiga olgan audiovizual asarlar, shuningdek ular uchun axborot materiallari to‘plami.

Soʻrov - "Ulanish" soʻrovini bosish, shuningdek, Hamkor foydalanuvchini qoʻllab-quvvatlash bo’yicha aloqa raqamini ovozli terish orqali xizmatga ulanish va obuna boʻlishga roziligini bildirgan foydalanuvchi tomonidan Ilovada amalga oshirilgan harakat.

Shaxsiy hisob – Hamkor tomonidan taqdim etiladigan mobil aloqa xizmatlari uchun shaxsiy hisob, bu foydalanuvchining barcha moliyaviy operatsiyalarini aks ettiradi.

Telekanallar toʻplami – telekoʻrsatuvlar (teledasturlar) va (yoki) boshqa audiovizual, ovozli xabarlar va tariflash maqsadlarida guruhlangan materiallar majmui.

Hamkor “COSCOM” masʼuliyati cheklangan jamiyati Oʻzbekiston Respublikasi qonunchiligiga muvofiq tashkil etilgan va roʻyxatdan oʻtgan (STIR 201788904), Ucell savdo belgisi ostida abonentlarga aloqa xizmatlarini koʻrsatuvchi yuridik shaxs.

Hamkorlik xizmati – Administrator va Hamkor bilan birgalikda ushbu Kelishuvda belgilangan xususiyatlarda Hamkor abonentlariga Xizmatdan foydalanishni ta’minlash.

Platforma – Foydalanuvchilarga Xizmatni taqdim etishni ta’minlaydigan Administratorning apparat, dasturiy va texnologik yechimlari majmui.

Obuna – Foydalanuvchiga uning tegishli Telekanallar to'plamiga va/yoki Videokontentga kirish niyatini aniqlash imkonini beruvchi Servis doirasida ma'lum bir Tarif bo'yicha cheklangan muddat davomida Telekanallar to'plamiga va/yoki Videokontentga kirish imkoniyatini taqdim etish. Oylik obunalar uchun xizmatni taqdim etish muddati 30 (o'ttiz) kalendar kuniga teng.

Foydalanuvchi – Ushbu Kelishuvni tuzgan Hamkor abonenti. Xizmat doirasida har bir foydalanuvchi uchun hisobga olish yozuvi yaratiladi.

Foydalanuvchi qurilmasi – Ushbu Kelishuvda koʻrsatilgan texnik talablarga javob beradigan foydalanuvchiga tegishli boʻlgan yoki boshqa qonuniy ravishda egalik qiladigan iste’molchining multimedia qurilmasi, bu orqali Foydalanuvchi Xizmatga kirishi mumkin.

Huquq egasi – intellektual faoliyat natijasiga yoki Xizmatda joylashtirilgan individuallashtirish vositalariga mutlaq huquqqa ega boʻlgan yuridik yoki jismoniy shaxs.

Ilova – Platforma bilan oʻzaro aloqa qiluvchi, Foydalanuvchi qurilmalariga oʻrnatilgan va Xizmatga kirishni taʼminlash uchun moʻljallangan dasturiy taʼminot.

Ruxsat etilgan hudud – Foydalanuvchi Xizmatdan foydalanish huquqiga ega boʻlgan hudud. Ushbu Kelishuv doirasida Ruxsat etilgan hudud deganda O‘zbekiston Respublikasi hududi tushunilishi kerak.

Ruxsat etilgan muddat - Foydalanuvchi Servis doirasida Telekanallar to'plamiga va/yoki Videokontentga kirish huquqidan foydalanishi mumkin bo'lgan vaqt davri. Ushbu Shartnoma doirasida Ruxsat etilgan muddat obuna ulangandan keyingi muddatga teng bo'ladi. Ruxsat etilgan muddatning boshlanishi obunaning aniq ulanish vaqti bilan belgilanadi. Oylik obunalar uchun Ruxsat etilgan muddat 30 (o'ttiz) kalendar kuniga teng.

Roʻyxatga olish – Foydalanuvchining hisobga olish yozuvini yaratish uchun zarur boʻlgan ma’lumotlarni taqdim etish tartibi va Xizmatdan keyingi foydalanish paytida uni Avtorizatsiya qilish imkoniyati.

Sayt – Ushbu Kelishuv joylashtirilgan Internetdagi ovva.uz veb-saytida Xizmat haqida ma’lumotlar mavjud va u orqali Xizmatga kirish mumkin.

Xizmat – Foydalanuvchiga ushbu Kelishuv shartlariga muvofiq Ilova va/yoki Sayt orqali telekanallar to‘plami va/yoki Video-kontentni ko‘rish imkoniyatini taqdim etish xizmati.

Tarif – Foydalanuvchi uchun xizmat doirasidagi telekanallar va/yoki video kontentlar to‘plamiga kirish narxi.

Hisobga olish yozuvi – Xizmatga kirishni ta’minlashda foydalanuvchini avtorizatsiya qilish uchun zarur boʻlgan ma’lumotlarni oʻz ichiga olgan yozuv. Hisobga olish yozuviga shuningdek, Foydalanuvchi tomonidan Xizmatga kirish uchun foydalanadigan foydalanuvchining abonent raqami va parol (yoki boshqa shunga oʻxshash autentifikatsiya vositalari) kiradi.

Internet xizmati – Hamkor tomonidan taqdim etiladigan Internetga kirish xizmatlari.

Mobil aloqa xizmati – Hamkor tomonidan taqdim etiladigan mobil aloqa xizmati.

2. Kelishuv mazmuni, umumiy shartlar

2.1. Administrator Foydalanuvchilarga ushbu Kelishuv qoidalariga rioya qilish sharti bilan Xizmatdan foydalanish imkoniyatini ta’minlaydi.

2.2. Xizmat doirasida foydalanuvchiga telekanallar va/yoki video kontentlar toʻplamiga (agar Xizmatda mavjud boʻlsa), ularni oʻz tanloviga koʻra interaktiv rejimda, shaxsiy notijorat maqsadlarda koʻrish imkoniyati bilan, Ruxsat etilgan muddat davomida va Ruxsat etilgan hududda kirish huquqi beriladi.

2.3. Foydalanuvchi ushbu Kelishuv shartlari bilan tanishish va ularga oʻzgartishlarini mustaqil ravishda kuzatib borish majburiyatini oladi. Ushbu Kelishuvga kiritilgan har qanday oʻzgartirish va/yoki qoʻshimchalardan soʻng Xizmatdan foydalanishni davom ettirish Foydalanuvchining bunday oʻzgartirish va/yoki qoʻshimchalarga roziligini bildiradi. Foydalanuvchi tomonidan ushbu Kelishuvning amaldagi shartlarini bilmaslik Foydalanuvchini ushbu Kelishuvda nazarda tutilgan majburiyatlardan, shuningdek ularning bajarilmaganligi va/yoki lozim darajada bajarilmaganligi uchun javobgarlikdan ozod qilmaydi.

2.4. Mazkur Kelishuvni tuzish tartibiga Oʻzbekiston Respublikasining Fuqarolik kodeksi qoidalari tatbiq etiladi, unga koʻra, Foydalanuvchining mazkur Kelishuv shartlari bilan roziligini tasdiqlovchi punktni tanlashi (yoki "√" qoʻyishi), shuningdek, Foydalanuvchining dastur yoki veb-saytdagi interfeysda (interaktiv menyuda) "davom etish" tugmasini bosishi, shuningdek, Foydalanuvchining Xizmatdan birinchi marta foydalanganligi mazkur Kelishuvni qabul qilishi hisoblanadi. Bu, Foydalanuvchining mazkur Kelishuvga toʻliq, soʻzsiz va shartsiz qoʻshilganini, barcha shartlar, bandlar bilan tanishganini va rozi ekanligini, shuningdek, unga yuklatilgan barcha huquqlar, majburiyatlar va cheklovlarga rozilik bildirganini anglatadi.

2.5. Mazkur Kelishuv shartlarini qabul qilish, 2.4-bandda koʻrsatilgan tartibda, Oʻzbekiston Respublikasi Fuqarolik kodeksi shartlariga muvofiq, mazkur Kelishuvni yozma shaklda tuzishga teng hisoblanadi.

2.6. Mazkur Kelishuv 2.4-bandda koʻrsatilgan tartibda tuzilganidan soʻng, Foydalanuvchi uning shartlari bilan tanishmaganini yoki ularning majburiyligini tan olmaslikni da’vo qilish huquqiga ega emas.

2.7. Mazkur Kelishuv maqsadlari uchun, Oʻzbekiston Respublikasi poytaxti - Toshkent shahri joylashgan soat zonasidagi vaqtdan foydalaniladi.

2.8. Xizmat Foydalanuvchiga, Foydalanuvchi qurilmasida Internet tarmogʻiga ulanish imkoniyati mavjud boʻlgan taqdirda (Internetga ulanish uchun zarur va yetarli dasturiy ta’minot oʻrnatilgan boʻlishi kerak), shuningdek, ushbu qurilma amalda Internet tarmogʻiga ulangan boʻlsa va ushbu Kelishuvning 4-bandida koʻrsatilgan texnik talablar bilan mos kelgan holda taqdim etiladi.

2.9. Quyidagi Kelishuvni tuzish orqali Foydalanuvchi, Administratorning abonent raqamiga Ro‘yxatga olish/Autorizatsiya qilish maqsadida, Administrator vakillari bilan aloqa o‘rnatish, Administratordan axborot va reklama materiallarini olish uchun, O‘zbekiston Respublikasi amaldagi qonunchiligi bilan taqiqlanmagan har qanday usulda, shu jumladan, lekin cheklanmagan holda: Ilova interfeysida push-xabarnomalar orqali, Foydalanuvchining telefon raqamiga SMS-xabarnomalar yuborish, messenjerlar, ijtimoiy tarmoqlar orqali yoki boshqa usullar bilan xabar yuborishga roziligini bildiradi.

2.10. Foydalanuvchi Administrator tomonidan yuqorida ko‘rsatilgan axborotlarni olishdan quyidagi usullar orqali voz kechish huquqiga ega: mobil qurilmalardagi sozlamalarda push-xabarnomalarni olish funksiyasini o‘chirish yoki ilovalar-messenjerlar sozlamalarida xabarlarni olishni bloklash orqali.

3. Roʻyxatga olish

Xizmatga kirish ruxsatini olish uchun Foydalanuvchi Roʻyxatdan oʻtish jarayonidan oʻtishi kerak.

3.1. Foydalanuvchi faol mobil telefoniga ega bo‘lishi kerak, unda mobil aloqa xizmatlari ulangan boʻlishi va SMS-xabarlarni olish imkonini beruvchi SIM-karta o‘rnatilgan bo‘lishi, shuningdek, Foydalanuvchi qurilmasi ushbu Kelishuvning 4-bandida ko‘rsatilgan talablarga muvofiq bo‘lishi zarur.

3.2. Foydalanuvchi tomonidan mobil aloqa xizmatlari doirasida foydalaniladigan bitta abonent raqami uchun faqat bitta Hisob yozuvi yaratilishi mumkin. Foydalanuvchi oʻz xohishiga koʻra har qanday foydalanuvchi qurilmasidan Xizmatga kirishga haqli.

3.3. Roʻyxatdan oʻtishda Foydalanuvchi Hisob yozuvini roʻyxatdan oʻtkazish shaklidagi koʻrsatmalarga amal qilishi kerak.

3.4. Foydalanuvchining roʻyxatdan oʻtishi Administrator tomonidan tegishli tarzda toʻldirilgan Hisob yozuvini roʻyxatdan oʻtkazish shaklini olgan paytdan boshlab tugallangan hisoblanadi. Administrator Foydalanuvchi tomonidan yuborilgan va belgilangan tartibda toʻldirilgan Hisob yozuvini roʻyxatdan oʻtkazish shaklini olmaganligi uchun javobgar hisoblanmaydi.

3.5. Roʻyxatdan oʻtish natijasida Foydalanuvchi Hamkordan Avtorizatsiya uchun zarur boʻlgan parol va Xizmatdan foydalanish imkoniyatini oʻz ichiga olgan SMS-xabar oladi.

3.6. Xizmatga kirish uchun roʻyxatdan oʻtgan Foydalanuvchining Ilovaga va/yoki Saytga keyingi kirishi Foydalanuvchi tomonidan Ilovada va/yoki Saytda avtorizatsiyadan oʻtishi orqali amalga oshiriladi (ishlatilayotgan Foydalanuvchi qurilmasiga qarab).

3.7. Foydalanuvchi Ro‘yxatga olish jarayonida to‘liq va ishonchli ma’lumotlarni taqdim etish majburiyatini oladi. Foydalanuvchi, ushbu Kelishuv amal qilish muddati davomida, hisob yozuvi ichidagi ma’lumotlarni dolzarb holatda saqlash majburiyatini oladi. Foydalanuvchi to‘liq boʻlmagan yoki noaniq ma’lumotlarni taqdim etganlik uchun va buning natijasida yuzaga kelgan barcha salbiy oqibatlar uchun javobgarlikni o‘z zimmasiga oladi.

3.8. Foydalanuvchi, o‘zining hisob yozuvi orqali amalga oshirilgan barcha harakatlar uchun to‘liq javobgarlikni o‘z zimmasiga oladi, shuningdek, login, parol (Avtorizatsiya uchun Hamkori tomonidan taqdim etilgan), abonent telefon raqami (mobil aloqa xizmatlari doirasida ishlatiladigan) va elektron pochta manzili xavfsizligini ta’minlash va ulardan to‘g‘ri foydalanishga mas’ul hisoblanadi. Foydalanuvchi, uchinchi shaxslar tomonidan hisob yozuvi noqonuniy ishlatilgan har qanday holat haqida Administratorni darhol xabardor qilishga majburdir.

3.9. Agar Foydalanuvchi o‘zining Foydalanuvchi qurilmasini va/yo‘ki hisob yozuvi ma’lumotlarini (login, parol) uchinchi shaxsga topshirsa, bunday harakatlar uchun barcha javobgarlik bevosita Foydalanuvchi zimmasiga yuklatiladi. Foydalanuvchining hisob yozuvi yoki Foydalanuvchi qurilmasi orqali Xizmatga noqonuniy kirish oqibatida Foydalanuvchiga yetkazilgan zarar (shu jumladan, lekin cheklanmagan holda, Foydalanuvchi qurilmasining o‘g‘irlanishi holatida) uchun, agar bu Administratorning aybi bilan sodir bo‘lmagan bo‘lsa, Administrator javobgar hisoblanmaydi.

3.10. Agar Foydalanuvchi hisob yozuvi ma’lumotlarini yo‘qotsa, Foydalanuvchi (agar u hisob yozuvi egasi ekanligini tasdiqlash imkoniyati mavjud bo‘lsa) ma’lumotlarni qayta tiklash uchun ushbu Kelishuvning 5.12-bandida ko‘rsatilgan Hamkorning mijozlarni qo‘llab-quvvatlash xizmati telefon raqamiga murojaat qilishi mumkin.

3.11. Administrator, Foydalanuvchi hisob yozuvini ro‘yxatga olish formasining kechikishi, nosozliklar, noto‘g‘ri yoki o‘z vaqtida yetkazilmagan SMS-xabarlar va Administratorning javobgarlik doirasidan tashqarida bo‘lgan boshqa texnik muammolar uchun, shuningdek, fors-major holatlari sababli yuzaga kelgan muammolar uchun javobgar hisoblanmaydi.

4. Texnik talablar

4.1. Mazkur Xizmat, Foydalanuvchi qurilmasi texnik imkoniyatlari mavjud boʻlganda va ushbu Kelishuvda keltirilgan va Saytda koʻrsatilgan texnik talablarga muvofiq boʻlganda Foydalanuvchiga taqdim etilishi mumkin.

4.2. Xizmatga kirish Foydalanuvchiga faqat uning qurilmasi orqali taqdim etiladi. Xizmatga kirish uchun Administrator platformasi bilan oʻzaro aloqada boʻlgan Foydalanuvchi qurilmalari roʻyxati va ularga qoʻyiladigan talablar Saytda «Qoʻllab-quvvatlanadigan qurilmalar» boʻlimida keltirilgan. Administrator zarurat tugʻilganda yuqoridagi roʻyxat va talablarni oʻzgartirish yoki qoʻshimchalar kiritish huquqiga ega.

4.3. Foydalanuvchi qurilmalari Administrator tomonidan belgilangan texnik talablarga javob bermasa, Xizmatga kirish mavjud boʻlmasligi yoki cheklangan funksiyaga ega boʻlishi mumkin.

4.4. Telekanallar toʻplamini yoki video kontentni koʻrish sifati Internet tarmogʻining tezligiga bogʻliq boʻladi. Xizmatdan faqat Foydalanuvchi qurilmasi Internet tarmogʻiga barqaror va uzluksiz ulanishni ta’minlay olsa foydalanish mumkin boʻladi. Yangi fayllarni yuklab olish uchun internet tezligi kamida 1,5 Mbayt/sek (SD formatda) boʻlishi kerak (asl sifat uchun kamida 5 Mbit/sek), HD formatdagi fayllar uchun esa kamida 5 Mbit/sek (asl sifat uchun kamida 15 Mbit/sek), fayllarni yuborish uchun esa kamida 1 Mbit/sek boʻlishi kerak. Internet ulanishining kechikishi (PING) 300 ms dan ortiq boʻlmasligi zarur. Foydalanuvchi internetga ulanishni faqat hamkor orqali tashkil etishi mumkin. Administrator Foydalanuvchi qurilmasining Internet tarmogʻiga ulanish sifatiga javobgar emas.

4.5. Xizmatga kirish uchun Foydalanuvchi qurilmasida ilova oʻrnatilgan boʻlishi kerak (Saytga Foydalanuvchi qurilmalaridan kirish holatlaridan tashqari), shuningdek, Telekanallar toʻplamini va video kontentni koʻrish uchun zarur va yetarli dasturiy ta’minot oʻrnatilgan boʻlishi lozim. Ilova Foydalanuvchi qurilmalariga ishlab chiqaruvchi, sotuvchi yoki boshqa vakolatli huquq egasi tomonidan oldindan oʻrnatilgan boʻlishi mumkin yoki Foydalanuvchi tomonidan Saytda koʻrsatilgan ma’lumotlardan foydalangan holda mustaqil ravishda oʻrnatilishi mumkin.

4.6. Foydalanuvchi qurilmasida oʻrnatilgan dasturiy ta’minot, Xizmatga kirish uchun, qonuniy ravishda sotib olingan va Foydalanuvchi tomonidan qonuniy asosda ishlatilgan boʻlishi kerak, shuningdek, dasturiy ta’minot Foydalanuvchi yoki boshqa shaxslar tomonidan oʻzgartirilmagan yoki modifikatsiya qilinmagan boʻlishi lozim, dasturiy ta’minotning huquq egasi yoki uning vakolatli shaxslari bundan istisno.

4.7. Foydalanuvchi, Internet tarmogʻiga ulanish xizmatlarini olish, dasturiy ta’minotni Foydalanuvchi qurilmasiga oʻrnatish va uni ishlatish bilan bogʻliq barcha harakatlarni mustaqil amalga oshiradi. Administrator yuqorida koʻrsatilgan Foydalanuvchi yoki uchinchi shaxslar harakatlari uchun javobgar hisoblanmaydi.

4.8. Foydalanuvchi, ushbu Kelishuvning mazkur boʻlimida keltirilgan texnik talablarga rioya qilish mas’uliyatini toʻliq oʻz zimmasiga oladi va Xizmatdan foydalana olmaslik, Telekanallar toʻplamini yoki video kontentlarni tomosha qilishni toʻg‘ri amalga oshira olmaslik kabi barcha xavflar uchun faqat oʻzi javobgar boʻladi. Bu holatlar Foydalanuvchi qurilmasining Internet tarmogʻiga ulanishining yoʻqligi, zarur komponentlar, funktsiyalar, dasturiy ta’minotning mavjud emasligi yoki Foydalanuvchi qurilmasi yoki uchinchi shaxslarning uskunalaridagi xatoliklar tufayli yuzaga kelgan boʻlishi mumkin.

5. Xizmat doirasida kirish huquqini berish shartlari, obuna to‘lovi

5.1. Mazkur Xizmatga kirish Foydalanuvchiga faqat Ro‘yxatdan o‘tish jarayonidan o‘tgan, faol Hisob yozuviga ega bo‘lgan va ushbu Kelishuvning 3-bandida bayon etilgan tartibda, Sayt va/yoki Ilovaning tegishli interfeysida Avtorizatsiyadan o‘tganidan keyin taqdim etiladi.

5.2. Xizmat doirasida Telekanallar toʻplami va/yoki Videokontentlarga kirish uchun Foydalanuvchi Sayt/Ilova orqali tegishli Obunani ulab olishi kerak, agar bu Foydalanuvchi tarif rejasining shartlarida belgilangan bo‘lmasa. Obuna Administrator tomonidan qayta ishlanib tasdiqlangan (faollashtirilgan) paytdan boshlab ulangan deb hisoblanadi.

5.3. Foydalanuvchiga Telekanallar toʻplami va/yoki Videokontentga kirish uchun Obuna Administrator tomonidan Obuna uchun to‘lov amalga oshirilgan va to‘lov fakti tegishli Telekanallar toʻplami va/yoki Videokontent uchun qayd etilgandan keyin ulanadi.

5.4. Obuna avtomatik yangilanish shartlari asosida taqdim etiladi, ya’ni Obuna amal qilish muddatiga teng davrga avtomatik ravishda uzaytiriladi. Bunda Foydalanuvchining Shaxsiy hisobidan ushbu uzaytirilish vaqtida amal qiluvchi Tarifga muvofiq summa avtomatik ravishda yechib olinadi.

Foydalanuvchining Obunani avtomatik yangilanish shartlari asosida ulashga roziligi, Foydalanuvchi tomonidan Xizmatni ulash va Obuna toʻlovini Shaxsiy hisobdan to‘lash bo‘yicha soʻrov buyruqlarini kiritishi orqali tasdiqlanadi.

Administrator tomonidan Xizmatga Obuna imtiyozli davr va/yoki Aksiya doirasida taqdim etilishi mumkin. Foydalanuvchi Xizmatni imtiyozli davr va/yoki aktsiya doirasida rasmiylashtirganida, obunaning avtomatik yangilanishi faollashtirilishi mumkin. Ushbu holatda, aktsiya yoki imtiyozli davr tugagandan soʻng, pul mablagʻlari Foydalanuvchining shaxsiy hisobidan amal qilayotgan tariflar va avtomatik yangilanish shartlariga muvofiq, Foydalanuvchining ishtirokisiz yechib olinadi.

Obunaning avtomatik yangilanishini rad etish uchun Foydalanuvchi amaldagi obuna davri muddati tugashidan oldin istalgan vaqtda, tegishli ilova yoki veb-sayt interfeysida obunaning avtomatik yangilanishini oʻchirish boʻyicha chora-tadbirlarni mustaqil ravishda amalga oshirishi kerak.

5.5. Obuna ulangandan soʻng, Foydalanuvchi faqatgina Administrator va/yoki Videokontentning huquq egasi tomonidan belgilangan ruxsat etilgan muddat davomida Telekanallar toʻplamiga va/yoki Videokontentga kirish huquqiga ega boʻladi. Har bir Telekanallar toʻplami va/yoki Videokontent boʻyicha ruxsat etilgan muddat, tarif miqdori, tarkibi, mazmuni va boshqa shartlar toʻgʻrisidagi ma’lumotlar veb-sayt va/yoki ilovaning tegishli interfeysida joylashtirish orqali Foydalanuvchining e’tiboriga yetkaziladi. Ulangan obuna boʻyicha ruxsat etilgan muddatning boshlanishi, tegishli obunaning Administrator tomonidan ulanishining aniq vaqti (daqiqalar, soatlar, kun, oy, yil) bilan belgilanadi. Ruxsat etilgan muddat tugagandan soʻng, Telekanallar toʻplamiga va/yoki Videokontentga kirish toʻxtatiladi.

5.6. Videokontentdan foydalanish shartlari tegishli Videokontentning huquq egasi tomonidan ushbu Kelishuv shartlariga qoʻshimcha ravishda, tariflarga muvofiq belgilanadi. Ushbu Kelishuv doirasida Videokontentning huquq egalari deganda Foydalanuvchilarga Videokontentdan foydalanish (koʻrish) huquqini taqdim etish huquqiga ega onlayn kinoteatrlar, audiovizual xizmatlar tushuniladi.

5.7. Administrator Foydalanuvchiga Xizmat doirasida Telekanallar toʻplami va/yoki Videokontentga Administrator va/yoki Videokontentning huquq egasi tomonidan belgilangan marketing aksiyalari shartlariga muvofiq kirish huquqini taqdim etishga, jumladan, shu bilan cheklanmagan holda, promo davrida (ma’lum vaqt davomida toʻlovsiz) kirish, qoʻshimcha Telekanallar toʻplami va/yoki Videokontentga kirish (bonuslar), chegirmalar taqdim etish, sodiqlik dasturlarini qoʻllashga haqli. Marketing aksiyalari roʻyxati, shartlari va oʻtkazilish muddati veb-saytda va/yoki ilova interfeysida koʻrsatiladi va Administrator/Hamkor tomonidan istalgan vaqtda bir tomonlama tarzda oʻzgartirilishi yoki bekor qilinishi mumkin.

5.8. Imkoniyat mavjud boʻlganda, Administrator Foydalanuvchiga Xizmat doirasida turli Telekanallar toʻplamlariga kirish imkoniyatini, ularni alohida yoki Videokontent bilan birgalikda, veb-sayt va/yoki ilova interfeysining tegishli boʻlimida koʻrsatilgan tariflarga muvofiq taqdim etishi mumkin.

5.9. Xizmat doirasida Telekanallar toʻplami va/yoki Videokontentga kirish belgilangan tariflarga muvofiq taqdim etilishi mumkin. Tarif narxi va Foydalanuvchilarga Xizmat doirasida mavjud boʻlgan Telekanallar toʻplami va/yoki Videokontent roʻyxati Administrator tomonidan istalgan vaqtda oʻz ixtiyori bilan oʻzgartirilishi mumkin, biroq bunday oʻzgarishlar kuchga kirishdan kamida 10 kalendar kuni oldin Foydalanuvchilarga avvaldan xabar berilishi kerak.

5.10. Ushbu Kelishuv boʻyicha Telekanallar toʻplami va Videokontentga kirish uchun toʻlov milliy valyutada – soʻmda va faqat Shaxsiy hisobdan pul mablagʻlarini yechib olish orqali amalga oshiriladi.

5.11. Foydalanuvchi tegishli tarif boʻyicha obuna toʻlovini amalga oshirganida, quyidagilardan xabardor boʻladi va rozilik bildiradi: Xizmat doirasida Telekanallar toʻplami va/yoki Videokontentga kirish huquqi Foydalanuvchiga toʻlov amalga oshirilgan vaqtdan Administrator tomonidan taqdim etilgan hisoblanadi, Foydalanuvchining taqdim etilgan kirish huquqidan Ruxsat etilgan muddat davomida va Telekanallar toʻplami va/yoki Videokontent Ruxsat etilgan hududda Administratorning aybi bilan boʻlmagan holatlarda foydalanishi yoki foydalanmasligiga qaramasdan.

5.12. Agar Administrator aybi bilan Foydalanuvchiga toʻlangan obuna boʻyicha Telekanallar toʻplami va/yoki Videokontentga kirish huquqi 48 soatdan ortiq muddat davomida taqdim etilmasa, tegishli tarif toʻlovini amalga oshirganidan soʻng, Hamkor Foydalanuvchining yozma soʻroviga asosan va imkoniyat mavjud boʻlsa, Ruxsat etilgan muddatni Foydalanuvchiga kirish huquqi boʻlmagan davrga teng muddatga uzaytirib beradi yoki Foydalanuvchiga toʻlangan summani qaytarib beradi. Foydalanuvchi yuqorida koʻrsatilgan soʻrovni toʻlov amalga oshirilganidan keyin 30 (oʻttiz) kalendar kunidan koʻp boʻlmagan vaqtda, Hamkorning Aloqa Markaziga ___ raqami orqali yoki veb-saytida _____ murojaat shakli orqali yuborish huquqiga ega.

5.13. Agar Telekanallar toʻplamida majburiy umumiy foydalanishga ochiq telekanallar mavjud boʻlsa, bunday telekanallarga kirish bepul taqdim etiladi. Bunda, majburiy umumiy foydalanishga ochiq telekanallarni oʻz ichiga olgan Telekanallar toʻplamiga kirish pulli boʻladi (agar Administrator tomonidan boshqacha belgilanmagan boʻlsa) va bunday majburiy umumiy foydalanishga ochiq telekanallarni tomosha qilsih narxini oʻz ichiga olmaydi.

6. Tomonlarning kafolatlari

6.1. Administrator va Foydalanuvchi ushbu Kelishuv bilan belgilangan huquqlardan faqat O‘zbekiston Respublikasining amaldagi qonunchiligi va ushbu Kelishuvda koʻrsatilgan maqsadlarda foydalanish va majburiyatlarni olish toʻgʻrisida kafolat beradilar.

6.2. Administrator quyidagilarni tasdiqlaydi va kafolatlaydi:

6.2.1. O‘zbekiston Respublikasi qonunchiligiga muvofiq ro‘yxatga olingan va faoliyat yuritayotgan yuridik shaxs bo‘lib, shuningdek, ushbu Kelishuvni tuzish va u bo‘yicha o‘z majburiyatlarini bajarish uchun barcha huquq va vakolatlarga ega.

6.2.2. Foydalanuvchilarga Xizmatni taqdim etish maqsadida Platforma, Veb-sayt, Ilovalaridan foydalanish uchun qonuniy huquqqa ega.

6.2.3. Tegishli huquq egalari (yoki ularning litsenziatlari) bilan tuzilgan shartnomalar asosida, Foydalanuvchiga Xizmat doirasida Telekanallar toʻplamiga kirish huquqini taqdim etish uchun zarur boʻlgan hajmda, Telekanallar toʻplamiga kiruvchi telekanallarni foydalanish huquqiga ega.

6.2.4. Tegishli Videokontent huquq egalari (yoki ularning litsenziatlari) bilan tuzilgan shartnomalar asosida, Foydalanuvchilarga Xizmat doirasida Videokontentga kirish huquqini taqdim etish huquqiga ega.

6.3. Foydalanuvchi Xizmatdan foydalanishda quyidagi harakatlarni amalga oshirmaslikni tasdiqlaydi va kafolatlaydi:

6.3.1. Kelishuv shartlariga rioya etmagan holda Xizmatdan foydalanish;

6.3.2. Xizmatdan uning normal ishlashiga to‘sqinlik qiladigan usullar bilan foydalanish;

6.3.3. Ro‘yxatdan o‘tish va avtorizatsiya jarayoni o‘tkazilmasdan Xizmatga, jumladan, Telekanallar to‘plamiga va/yoki Videokontentga kirishga urinish, shuningdek, ushbu Kelishuv doirasida Xizmatni qonuniy foydalanish uchun belgilangan cheklovlarni olib tashlashga urinish, jumladan, login va parolni topish, IP-manzillarni o‘zgartirish, almashtirish yoki Xizmatni himoya qilishning texnik vositalarini chetlab o‘tishga qaratilgan boshqa noqonuniy harakatlarni amalga oshirish.

6.3.4. Xizmatdan tijorat maqsadlarida foydalanish, jumladan, shu bilan cheklanmagan holda: Telekanallar to‘plamiga kiruvchi telekanallarni va/yoki Videokontentni, Foydalanuvchining oilaviy yoki shaxsiy doirasiga kirmaydigan shaxslarga, bepul kirish uchun ochiq joylarda (kafe, restoranlar, do‘konlar, mehmonxonalar va boshqalar) namoyish qilish yoki yuqoridagi joylarga iste’molchilarni jalb qilish jozibasini oshirish maqsadida ularga kirish imkoniyatini yaratish.

6.3.5. Xizmatdan, jumladan, Telekanallar to‘plami va/yoki Videokontentni ommaviy ko‘rsatish, ijro etish, ko‘rish, namoyish qilish, umumiy ma’lumot uchun taqdim etish yoki boshqa ommaviy maqsadlarda foydalanish;

6.3.6. Telekanallar toʻplamiga kiruvchi telekanallarning telekoʻrsatuvlarini yoki ularning qismlarini, shuningdek, Videokontentni qandaydir usul bilan, jumladan, Foydalanuvchi qurilmasining ekranidan (displeyidan) videoyozuv yaratish orqali nusxalash (ko‘paytirish);

6.3.7. har qanday uchinchi shaxslarning qurilmalarga (shu jumladan, dasturiy ta’minotga) zarar yetkazishi mumkin boʻlgan dasturiy ta’minotdan foydalanish (viruslar, troyanlar va boshqa zararli dasturlar);

6.3.8. Xizmatdan, jumladan, Telekanallar toʻplami va/yoki Videokontentdan ushbu Kelishuv doirasida ruxsat etilgan maqsadlar va usullardan boshqa maqsadlar va usullar bilan foydalanish, jumladan, bu bilan cheklanmagan holda: qayta sotish, ijaraga berish, tarqatish, sotish, tijoriy aylanmaga chiqarish, Xizmatni ommaviy ravishda taqdim etish yoki boshqa usullarda uchinchi shaxslarga ushbu Kelishuv asosida olingan huquqlarni oʻtkazish.

6.4. Ushbu Kelishuv doirasida Xizmat «BORICHA», ya’ni u mavjud bo‘lgan holatda taqdim etiladi, shuningdek, Administrator tomonidan Xizmatga nisbatan, jumladan, shu bilan cheklanmagan holda: Xizmat Foydalanuvchining talablariga, maqsadlariga yoki kutuvlariga mos kelishi, Telekanallar to‘plamiga va/yoki Videokontentga kirish uzluksiz, tezkor, ishonchli va xatosiz taqdim etilishi, shuningdek, har qanday telekanalning sifat va mazmuni Foydalanuvchining talablariga javob berishi boʻyicha hech qanday kafolatlar yoki tasdiqlarni taqdim etmasligini anglatadi.

6.5. Administrator va Foydalanuvchi, Xizmatdan foydalanish (jumladan, Xizmat doirasida Foydalanuvchiga taqdim etiladigan barcha intellektual faoliyat natijalari va individualizatsiya vositalari) ommaviy ijro etish yoki efirda yoki kabel orqali uzatish yo‘li bilan, shuningdek, retranslyatsiya orqali amalga oshirilmasligini tasdiqlaydilar va kafolatlaydilar.

7. Foydalanuvchining huquq va majburiyatlari

7.1. Foydalanuvchining huquqlari:

7.1.1. Xizmatdan ushbu Kelishuv shartlariga muvofiq foydalanish.

7.1.2. O‘z tanloviga koʻra Veb-sayt va/yoki Ilova orqali Xizmat doirasida Foydalanuvchiga taqdim etilgan Telekanallar to‘plami va/yoki Videokontentni tomosha qilsih, shuningdek, tomoshani boshqarish funksiyasidan foydalanish (masalan, «PAUZA» funksiyasi orqali ko‘rishni to‘xtatish, qayta ishga tushirish, alohida epizodlarga o‘tish, tilni o‘zgartirish va boshqalar) imkoniyatiga ega bo‘lish, agar bu imkoniyat mavjud bo‘lsa.

7.1.3. Ushbu Kelishuvning 12-bandida belgilangan tartibda Xizmatning ishlashiga oid da’volar va/yoki takliflar bilan murojaat qilish.

7.2. Foydalanuvchining majburiyatlari:

7.2.1. Kelishuvning shartlariga rioya qilish.

7.2.2. Xizmatdan, jumladan, Telekanallar to‘plami va/yoki Videokontentdan faqat shaxsiy, tijoriy bo‘lmagan maqsadlarda, o‘z Foydalanuvchi qurilmasi orqali ushbu Kelishuv shartlariga muvofiq foydalanish.

7.2.3. Administratorning huquqlari va qonuniy manfaatlarini, shuningdek, Xizmat doirasida foydalaniladigan intellektual faoliyat natijalari yoki individualizatsiya vositalariga nisbatan eksklyuziv huquqqa ega bo‘lgan Huquq egalarining huquqlarini hurmat qilish.

7.2.4. Muayyan yosh toifasi uchun TV kanallari toʻplamiga kiritilgan telekanallarni koʻrish uchun yosh cheklovlariga rioya qilish, agar bunday cheklovlar koʻzda tutilgan boʻlsa. Telekanallarni tomosha qilish uchun zarur bo‘lgan yoshga yetmagan shaxslar tegishli telekanallarni tomosha qilishdan va/yoki ularga kirish uchun to‘lov qilishdan avval, ota-onalar, asrab oluvchilar, vasiylar, homiylar yoki boshqa qonuniy vakillarning roziligi bo‘lmasa, O‘zbekiston Respublikasi amaldagi qonunchiligiga muvofiq bunday harakatlardan oʻzlarini toʻxtatishlari shart. Aks holda, ushbu Kelishuvning mazkur bandi shartlarini buzgan, talab qilinadigan yoshga yetmagan Foydalanuvchi uchun javobgarlik O‘zbekiston Respublikasi amaldagi qonunchiligiga muvofiq ota-onalar, asrab oluvchilar, vasiylar, homiylar yoki boshqa qonuniy vakillarga yuklatiladi.

7.2.5. Xizmatning ishlash jarayonini buzishga qaratilgan harakatlarni amalga oshirmaslik, Xizmatga ruxsatsiz kirishga urinishlar qilmaslik, shuningdek, Administratorning va/yoki uchinchi shaxslarning qonuniy huquqlarini buzadigan har qanday boshqa harakatlardan tiyilish.

7.2.6. Ushbu Kelishuvning 6.3-bandida ko‘rsatilgan har qanday harakatlarni amalga oshirmaslik.

7.2.7. Ushbu Kelishuvda Foydalanuvchi uchun belgilangan boshqa majburiyatlarni bajarish.

7.3. Foydalanuvchi o‘zining login va paroli xavfsizligi uchun javobgar hisoblanadi va ro‘yxatdan o‘tganidan keyin uning login va paroli orqali Resursda amalga oshiriladigan barcha harakatlar uchun mas'uliyatni o‘z zimmasiga oladi. Operator ayrim loginlar foydalanishiga taqiq qo‘yish va/yoki ularni foydalanishdan chiqarish huquqiga ega. Foydalanuvchi o‘zining login va paroli orqali ruxsatsiz kirish holati yoki xavfsizlikning buzilishi holatlari haqida Operatorni darhol xabardor qilishi lozim. Foydalanuvchi tomonidan ushbu Shartnomadagi talablar buzilgani sababli ma'lumotlarning yo‘qolishi yoki shikastlanishi uchun Operator javobgar hisoblanmaydi.

7.4. Login/parol uchinchi shaxslarga taqdim etilganda, butun javobgarlik to‘g‘ridan-to‘g‘ri Foydalanuvchiga yuklanadi. Foydalanuvchining shaxsiy sahifasiga ruxsatsiz kirish natijasida yuzaga kelgan zarar uchun Operator javobgar emas.

8. Administratorning huquq va majburiyatlari

8.1. Administratorning huquqlari:

8.1.1. Zarur bo‘lganda ushbu Kelishuvni bir tomonlama tartibda o‘zgartirish, bunda o‘zgarishlar kuchga kirishidan kamida 10 (o‘n) kalendar kuni oldin ushbu Kelishuvning yangi tahririni Veb-sayt va/yoki Ilovada e’lon qilish orqali Foydalanuvchini xabardor qilish. Agar Foydalanuvchi ushbu Kelishuvga kiritilgan o‘zgarishlarga rozi bo‘lmasa, u Xizmatdan foydalanishni rad etish orqali ushbu Kelishuvning amal qilishini to‘xtatish huquqiga ega. Aks holda, Administrator va Foydalanuvchi o‘zaro munosabatlari yangi tahrirdagi Kelishuv kuchga kirgan kundan boshlab unga muvofiq tartibga solinishini qabul qiladilar.

8.1.2. Tariflar, telekanallar toʻplamlari va/yoki Videokontentning tarkibi va mazmuniga bir tomonlama tartibda o‘zgartirish kiritish.

8.1.3. Istalgan vaqtda oʻz xohishiga koʻra, Foydalanuvchining Xizmatga kirish huquqini toʻxtatish, cheklash yoki bekor qilish huquqiga ega, jumladan, shu bilan cheklanmagan holda, agar Foydalanuvchi ushbu Kelishuv shartlarini, Oʻzbekiston Respublikasi amaldagi qonunchiligini buzsa yoki agar Administrator, Foydalanuvchining xatti-harakatlarini nomaqbul deb hisoblasa, Xizmatning ishlashiga zarar yetkazish yoki Administrator va/yoki Huquq egalarining huquqlari va qonuniy manfaatlariga zarar yetkazish, ularning biznes obroʻsiga putur yetkazish ehtimoli mavjud boʻlsa, Xizmatga kirish huquqini toʻxtatish, cheklash yoki bekor qilish huquqiga ega.

8.1.4. Zaruratga qarab, Foydalanuvchining Xizmatdan foydalanishi uchun texnik imkoniyatlarini ta’minlash maqsadida profilaktika va ta’mirlash ishlarini amalga oshirish.

8.2. Administratorning majburiyatlari:

8.2.1. Oʻzining texnik imkoniyatlari doirasida, ushbu Kelishuv shartlariga muvofiq Xizmatning faoliyat koʻrsatishini ta’minlash.

8.2.2. Xizmatning ishlashi bilan bogʻliq tashkiliy qarorlar qabul qilsih.

8.2.3. Ushbu Kelishuvda Administrator uchun belgilangan boshqa majburiyatlarni bajarish.

9. Intellektual huquqlar

9.1. Xizmatni taqdim etishda foydalaniladigan har qanday intellektual faoliyat natijalari va individualizatsiya vositalari ularning Huquq egalarining intellektual mulki hisoblanadi va xalqaro shartnomalar hamda Oʻzbekiston Respublikasining intellektual mulk sohasidagi qonunchiligi bilan himoyalanadi.

9.2. Intellektual faoliyat natijalari va individualizatsiya vositalaridan Huquq egasining ruxsatisiz foydalanish noqonuniy hisoblanadi va sud tartibida javobgar tomonning joylashgan joyida, fuqaro-huquqiy, ma’muriy va jinoiy javobgarlikka tortish uchun asos boʻladi.

9.3. Ushbu orqali Administrator Foydalanuvchini Platforma, Veb-sayt, Ilova boʻyicha Tovar belgilarining Huquq egasi Administrator hisoblanishi toʻgʻrisida xabardor qiladi.

9.4. Ushbu Kelishuvga muvofiq, Foydalanuvchiga Xizmat faqat shaxsiy (xususiy) notijorat maqsadlarida tomosha qilish uchun, har qanday qismini, har qanday moddiy shaklda (shu jumladan, lekin cheklanmaysan: Foydalanuvchi qurilmalarining xotirasiga nusxalash orqali) nusxalash huquqisiz, shuningdek, Telekanallar toʻplami va/yoki Videokontentdan har qanday boshqa turda foydalanish huquqisiz, jumladan, shu bilan cheklanmagan holda: tarqatish, ijaraga berish, sotish, ommaviy namoyish, ommaviy ijro, efirda yoki kabel orqali uzatish, shu jumladan, retranslyatsiya qilish huquqisiz taqdim etiladi.

9.5. Foydalanuvchi Xizmatdan (shu jumladan, Xizmat doirasida kirish huquqi Foydalanuvchiga taqdim etilgan barcha intellektual faoliyat natijalari va individualizatsiya vositalaridan) faqat ushbu Kelishuvda koʻrsatilgan huquqlarni amalga oshirish maqsadida foydalanish huquqiga ega.

9.6. Xizmatdan ushbu Kelishuvda aniq koʻrsatilmagan holatlarda foydalanish Foydalanuvchi uchun ruxsat etilgan deb hisoblanmaydi.

9.7. Xizmatdan (shu jumladan, Xizmat doirasida kirish huquqi Foydalanuvchiga taqdim etilgan barcha intellektual faoliyat natijalari va individualizatsiya vositalaridan) ushbu Kelishuv shartlariga zid ravishda foydalanish qat’iyan taqiqlanadi. Bunday foydalanish noqonuniy hisoblanadi va sud tartibida javobgar tomonning joylashgan joyida, fuqaro-huquqiy, ma’muriy va jinoiy javobgarlikka tortish uchun asos boʻladi.

9.8. Administrator va/yoki Videokontent Huquq egasi, Foydalanuvchiga ushbu Kelishuv doirasida Telekanallar toʻplamiga va/yoki Videokontentga kirishni taqdim etadigan notoʻgʻri foydalanishni oldini olish yoki cheklashga moʻljallangan texnik vositalardan foydalanish huquqini oʻzida saqlab qoladi.

10. Tomonlarning javobgarliklari

10.1. Administrator yoki Foydalanuvchi ushbu Kelishuvda nazarda tutilgan o‘z majburiyatlarini bajarmasa yoki lozim darajada bajarmasa, O‘zbekiston Respublikasi amaldagi qonunchiligida belgilangan tartibda va ushbu Kelishuvda ko‘rsatilgan shartlarni inobatga olgan holda javobgar bo‘ladilar.

10.2. Administrator ushbu Kelishuv qoidalarining Foydalanuvchi tomonidan buzilishi uchun javobgar emas.

10.3. Foydalanuvchi Xizmatdan (shu jumladan, Xizmat doirasida Foydalanuvchiga taqdim etiladigan barcha intellektual faoliyat natijalari va individualizatsiya vositalari) ushbu Kelishuv shartlariga muvofiq to‘g‘ri foydalanish uchun to‘liq javobgarlikni o‘z zimmasiga olishini tushunadi va bunga rozilik bildiradi.

10.4. Administrator Xizmatning ishlashini ta'minlaydi, ammo uning uzluksiz ishlashi, Resursda joylashtirilgan ma'lumotlarning yo‘qolishi yoki Xizmatdan foydalanish jarayonida yuzaga kelgan yoki kelishi mumkin bo‘lgan boshqa zararlar uchun javobgar emas.

10.5. Administrator Telekanallar to‘plamiga va/yoki Videokontentga kirish imkoniyatini, shuningdek, Foydalanuvchi qurilmasida tomosha qilish jarayonida yuzaga kelishi mumkin bo‘lgan texnik xatoliklar, nosozliklar yoki boshqa muammolarsiz tomosha qilishni kafolatlamaydi.

10.6. Administrator Foydalanuvchi tomonidan Xizmatni ishlatishda foydalaniladigan Internet tarmog‘i orqali ma’lumotlarning uzatilish sifati yoki tezligi, ma’lumotlarning qayta ishlanishi yoki uzatilishidagi har qanday kechikishlar, shuningdek, Xizmatdan foydalanishda Foydalanuvchi qurilmasining to‘g‘ri ishlashi uchun hech qanday javobgarlikni o‘z zimmasiga olmaydi.

10.7. Agar holat Administrator nazoratidan tashqarida bo‘lgan Foydalanuvchining harakatlari, jumladan, Ruxsat etilgan hududdan tashqarida bo‘lishi, Foydalanuvchi qurilmasining tasodifan yo‘q qilinishi, yo‘qolishi yoki shikastlanishi, Foydalanuvchi qurilmasi, Sayt yoki Ilovadan noto‘g‘ri foydalanishi va boshqa harakatlari natijasida yuzaga kelgan bo‘lsa, Administrator o‘z majburiyatlarini bajarmagan yoki lozim darajada bajarmaganligi uchun javobgar bo‘lmaydi.

10.8. Administrator Foydalanuvchining Xizmatdan foydalanishi bilan bog‘liq yoki undan foydalanish natijasida kelib chiqqan Foydalanuvchi qurilmasiga yoki uchinchi shaxslarning elektron qurilmalariga, boshqa moslamalar yoki dasturiy ta’minotga yetkazilgan har qanday zarar uchun javobgar emas.

10.9. Administrator Telekanallar to‘plami va/yoki Videokontentga kiritilgan telekanallarning axborot mazmuni, shuningdek, telekanallar va/yoki videokontentning huquq egalari tomonidan sodir etilgan har qanday qoidabuzarliklar uchun javobgar emas.

10.10. Tomonlar ushbu Kelishuv boʻyicha oʻz majburiyatlarini qisman yoki toʻliq bajarmaganliklari uchun javobgarlikdan ozod qilinadilar, agar bunday ijro etmaslik quyida keltirilgan yengib boʻlmas holatlar (fors-major) natijasida yuzaga kelgan boʻlsa, masalan: yongʻin, zilzila, dovul, chaqmoq urishi, harbiy harakatlar, terrorchilik harakatlari, ish tashlashlar, elektr energiyasi ta’minotidagi buzilishlar, ma’lumotlar uzatish tarmoqlari va Xizmatni tashkil etishda ishlatiladigan uskuna avariyalari, davlat hokimiyati organining qarori yoki majburiyatlarni bajarish imkoniyatini cheklaydigan yoki toʻxtatadigan me’yoriy huquqiy hujjatning kuchga kirishi, noqonuniy harakatlar (masalan, oʻgʻirlik, talonchilik, Xizmatni ishga tushirish uchun zarur boʻlgan mulkni qasddan buzish/yoʻq qilish, zararli kompyuter dasturlarini tarqatish), shuningdek, mazkur sharoitlarda oldini olish mumkin boʻlmagan boshqa favqulodda holatlar va Tomonlarning oqilona nazoratidan tashqarida boʻlgan holatlar.

10.11. Foydalanuvchi, ushbu Kelishuv shartlariga zid ravishda Xizmatdan foydalangan holda u tomonidan yetkazilgan zararlarni (shu jumladan, Foydalanuvchiga Xizmat doirasida taqdim etiladigan barcha intellektual faoliyat natijalari va individualizatsiya vositalari) Administratorga qoplab berishga roziligini bildiradi.

10.12. Ushbu Kelishuvga koʻra, Administrator yoʻqotilgan foydani qoplash uchun Foydalanuvchi oldida hech qanday majburiyatni olmaydi va javobgar boʻlmaydi. Agar ushbu Kelishuv doirasida Administratorning Foydalanuvchiga zararlarni qoplash boʻyicha javobgarligi yuzaga kelsa va bu zararlar Administratorning majburiyatlarni bajarmasligi yoki notoʻgʻri bajarishi tufayli yuzaga kelgan boʻlsa, unda ushbu javobgarlik toʻlangan Tarif narxiga teng boʻlgan summa bilan cheklangan boʻladi.

10.13. Foydalanuvchi Xizmatdan voz kechgan yoki tarif rejasini o‘zgartirgan taqdirda, Kontentga kirish uchun obuna xarid qilishga sarflangan mablag‘lar qaytarilmaydi.

10.14. Hech qanday holatda Administrator Foydalanuvchi yoki har qanday uchinchi shaxslar oldida Resursni yoki Resursda joylashtirilgan intellektual faoliyat natijalarini foydalanish bilan bog‘liq bo‘lgan har qanday bevosita, bilvosita yoki tasodifiy zararlar, shu jumladan o‘tkazib yuborilgan foyda yoki yo‘qolgan ma'lumotlar, sha'ni, qadr-qimmati yoki tijorat obro‘siga putr yetkazilganligi bo‘yicha javobgar bo‘lmaydi.

10.15. Administrator Internetdagi uchinchi shaxslarning sayt va/yoki Ilova interfeysida joylashtirilgan giperhavolalar orqali amalga oshiriladigan saytlariga bo‘lgan kirish imkoniyati va ularning mazmuni uchun, shuningdek, Foydalanuvchi tomonidan bunday saytlardan foydalanish natijasida yuzaga kelgan har qanday oqibatlar uchun javobgar bo‘lmaydi.

11. Amaldagi qonunchilik, nizolarni hal qilish

11.1. Ushbu Kelishuv O‘zbekiston Respublikasining amaldagi qonunchiligiga muvofiq Tomonlar o‘rtasidagi munosabatlarni belgilovchi sifatida talqin qilinishi va tartibga solinishi lozim.

11.2. Agar ushbu Kelishuvning biror bandi Oʻzbekiston Respublikasining amaldagi qonunchiligiga muvofiq tegishli yurisdiktsiya sudining qarori bilan yuridik jihatdan bekor qilingan va bajarib boʻlmaydigan deb topilsa, bu boshqa bandlarning yuridik kuchini, qonuniyligini va amalga oshirilish imkoniyatini hech qanday tarzda zaiflashtirmaydi.

11.3. Tomonlar ushbu Kelishuv boʻyicha yoki u bilan bogʻliq boʻlishi mumkin boʻlgan barcha nizolar va kelishmovchiliklar sudgacha da’vo tartibida hal qilinishini tasdiqlaydilar.

11.4. Tomonlar mazkur Kelishuv yuzasidan kelib chiqadigan har qanday nizo, tortishuvlar yoki da’volar, shu jumladan ushbu Kelishuvning talqini, mavjudligi, haqiqiyligi yoki bekor qilinishi bilan bogʻliq har qanday masala, shuningdek, ushbu Kelishuvda tartibga solinmagan va sudgacha da’volarni hal qilish yoʻli bilan hal etilmaydigan masalalar boʻyicha nizolar, javobgarning joylashgan joyidagi sud qarori bilan hal qilinishiga rozilik bildiradilar.

12. Axborot-ma’lumot xizmati

12.1. Xizmatdan foydalanish bilan bogʻliq barcha savollar, shu jumladan, axborot-ma’lumot xizmati, texnik qoʻllab-quvvatlash va har qanday da’volar boʻyicha Foydalanuvchi Kelishuvning 5.12-bandida koʻrsatilgan usullar bilan hamda Saytda va/yoki Ilovada koʻrsatilgan boshqa usullar bilan Hamkorning qoʻllab-quvvatlash xizmatiga murojaat qilishi kerak.

12.2. Foydalanuvchidan Xizmat boʻyicha ushbu Kelishuvga muvofiq yuborilgan murojaatlarni koʻrib chiqish va ularga javob berish Administrator/Hamkor tomonidan Foydalanuvchi murojaati roʻyxatga olingan kundan boshlab 30 kun ichida amalga oshiriladi, agar Saytda va/yoki Ilovada boshqa tartib va muddatlar belgilanmagan boʻlsa.

13. Shaxsga doir ma’lumotlarni qayta ishlash siyosati

13.1. Ushbu Kelishuvni tuzish orqali Foydalanuvchi Administrator tomonidan oʻzining shaxsga doir ma’lumotlarini qayta ishlashga rozilik bildiradi va bunday rozilikni bildirayotganda, Foydalanuvchi oʻz ixtiyori va manfaatlari yoʻlida harakat qilayotganini tasdiqlaydi.

13.2. Ushbu Kelishuv doirasida shaxsga doir ma’lumotlar deganda Foydalanuvchining quyidagi shaxsga doir ma’lumotlari tushuniladi: abonent raqami, Hisob yozuvi haqida ma’lumot, shuningdek, Foydalanuvchi tomonidan Administratorga ushbu Kelishuv boʻyicha huquq va majburiyatlarni amalga oshirish maqsadida taqdim etilgan boshqa sshaxsga doir ma’lumotar.

13.3. Administrator shaxsga doir ma’lumotlarni qayta ishlash bilan bogʻliq har qanday harakatlarni amalga oshirish, oʻz manfaatlarini sudda himoya qilish, shuningdek, Oʻzbekiston Respublikasining amaldagi qonunchiligi va ushbu Kelishuvga muvofiq, Foydalanuvchilarning shaxsga doir ma’lumotlarini uchinchi shaxslarga taqdim etish huquqiga ega.

13.4. shaxsga doir ma’lumotlarni qayta ishlash deb avtomatlashtirish vositalarini yoki bunday vositalarsiz shaxsga doir ma’lumotlar bilan amalga oshiriladigan har qanday harakat (operatsiya) yoki harakatlar majmui tushuniladi, jumladan, shaxsga doir ma’lumotlarni yigʻish, yozish, tizimlashtirish, toʻplash, saqlash, aniqlash (yangilash, oʻzgartirish), chiqarish, foydalanish, uchinchi shaxslarga uzatish (tarqatish, taqdim etish, kirish), begonalashtirish, bloklash, oʻchirish, yoʻq qilish.

13.5. Oʻzining shaxsga doir ma’lumotlarini Administratorga taqdim etish orqali Foydalanuvchi ularning quyidagi maqsadlarda qayta ishlanishiga rozilik bildiradi:

13.5.1. ushbu Kelishuvni bajarish maqsadida Foydalanuvchini aniqlash;

13.5.2. Xizmat doirasida axborot xabarlarini yuborish;

13.5.3. Xizmatni qoʻllab-quvvatlash xizmati tomonidan Foydalanuvchi soʻrovlarini qayta ishlash;

13.5.4. egasizlantirilgan ma’lumotlar asosida Xizmatdan foydalanishning statistik va boshqa tadqiqotlarini oʻtkazish;

13.5.5. Xizmatni yaxshilash maqsadida Foydalanuvchilarning afzalliklarini tahlil qilish va oʻrganish;

13.5.6. Xizmatga texnik xizmat koʻrsatish;

13.5.7. Xizmatdan firibgarlik va boshqa noqonuniy foydalanishning oldini olish va aniqlash;

13.5.8. Foydalanuvchiga ushbu Kelishuv boʻyicha Xizmatdan foydalanish huquqini toʻgʻri ta’minlash uchun zarur boʻlgan boshqa qonuniy maqsadlar uchun.

13.6. Shaxsga doir ma’lumotlarni qayta ishlash va himoya qilish shartlari:

13.6.1. Administrator Foydalanuvchining shaxsga doir ma’lumotlaridan faqat ushbu Kelishuvda koʻrsatilgan maqsadlar uchun foydalanadi.

13.6.2. Administrator ushbu Kelishuv doirasida Foydalanuvchi tomonidan taqdim etilgan shaxsga doir ma’lumotlarning maxfiyligini ta’minlash majburiyatini oladi. Foydalanuvchining shaxsga doir ma’lumotlarini O‘zbekiston Respublikasining amaldagi qonunchiligiga muvofiq vakolatli davlat organining talabiga ko‘ra Administrator tomonidan oshkor etilishi maxfiylikning buzilishi hisoblanmaydi.

13.6.3. Administrator Foydalanuvchining shaxsga doir ma’lumotlariga ruxsatsiz yoki tasodifiy kirish, yoʻq qilish, oʻzgartirish, bloklash, nusxalash va tarqatishdan himoya qilish uchun barcha zarur texnik choralarni koʻrish majburiyatini oladi.

13.7. Administrator Foydalanuvchining shaxsga doir ma’lumotlariga nisbatan quyidagi huquqlariga rioya etilishini kafolatlaydi:

13.7.1. Foydalanuvchining shaxsga doir ma’lumotlarini qayta ishlashga oid ma’lumotlarni olish huquqi;

13.7.2. Administratordan Foydalanuvchining shaxsga doir ma’lumotlarini aniqlashtirishni, ularni bloklashni yoki yoʻq qilishni talab qilish huquqi, agar shaxsga doir ma’lumotlar toʻliq boʻlmasa, eskirgan, notoʻgʻri, noqonuniy yoʻl bilan olingan boʻlsa yoki belgilangan qayta ishlash maqsadi uchun zarur boʻlmasa, shuningdek, oʻz huquqlarini himoya qilish uchun qonunda nazarda tutilgan choralarni koʻrish huquqi.

13.7.3. O‘zbekiston Respublikasining amaldagi qonunchiligida belgilangan boshqa huquqlar.

14. Yakuniy qoidalar

14.1. Ushbu Kelishuv uning 2-bandiga muvofiq Foydalanuvchi tomonidan qabul qilingan paytdan boshlab kuchga kiradi.

14.2. Ushbu Kelishuv va unga e’lon qilingan har qanday oʻzgartirishlar Foydalanuvchi tomonidan Xizmatdan foydalanishning butun muddati davomida amal qiladi.

14.3. Tomonlar korruptsiyaga qarshi qonun hujjatlari talablariga rioya qilish va ushbu Kelishuv boʻyicha oʻzlarining huquq yoki majburiyatlari bilan bogʻliq holda korruptsiyaga qarshi qonun hujjatlari normalarini buzishi mumkin boʻlgan harakatlarni amalga oshirmaslik majburiyatini oladilar, jumladan (shu bilan cheklanmagan holda), har qanday jismoniy yoki yuridik shaxslarga, tijorat tashkilotlariga, davlat xizmatchilariga, xususiy kompaniyalarga va ularning vakillari yoki bogʻliq shaxslarga har qanday noqonuniy toʻlovlarni taklif qilish/tasdiqlash/kirish/ruxsat berish, va’da berish yoki amalga oshirishdan, shu jumladan (ammo ular bilan cheklanmagan holda) pul yoki boshqa shakldagi pora berishdan voz kechish.

14.4. Agar Tomonlardan biri ushbu boʻlimning 14.3-bandida koʻrsatilgan majburiyatlarni buzsa, boshqa Tomon bir tomonlama tartibda, suddan tashqari ushbu Kelishuv boʻyicha oʻz majburiyatlarini bajarishni rad etishga haqli. Kelishuv ushbu bandga muvofiq bekor qilingan taqdirda tomonlar bir-birlariga yetkazilgan zararni qoplamaydilar.

15. Administrator ma’lumotlari

15.1. Administrator ma’lumotlari:

“OVVA” mas’uliyati cheklangan jamiyat

Roʻyxatga olish raqami: 2480816

STIR: 311366013

Manzil: 100017, Oʻzbekiston Respublikasi, Toshkent sh., Yunusobod tumani, S-6 , Nosirov koʻchasi, 70-uy

МFО: 00974

ОКED: 62010