Fotima va Zuhra

Fotima va Zuhra - bu detektiv janrdagi milliy serial bo‘lib, voqealar rivoji o‘zbek yozuvchisi Ulmas Umarbekovning shu nomli romani asosida suratga olingan. Hikoya egizak singillar Fotima va Zuhraning fojiali taqdiri va ular duch keladigan qiyin sinovlar atrofida qurilgan.Serial syujeti Fotimaning akasi Sanjarning do‘stlari tomonidan qilingan mudhish voqeadan boshlanadi. Bu dahshatli hodisa Fotimani chuqur ruhiy jarohatga olib keladi, natijada u o‘z joniga qasd qilishga urinsa-da, uni singlisi Zuhra qutqarib qoladi. Bu voqealar oila uchun og‘ir zarba bo‘ladi: otasi yurak xurujidan vafot etadi, onasi esa ruhiy holatini yo‘qotadi. Sanjar qasos olish yo‘lida ketayotganida avtohalokatga uchraydi.Egizak singillar qattiq sinovlardan o‘tadi. Shohruh ismli yigit avvalgi xatolarini tushunib, Fotimaga turmush qurishni taklif qiladi, ammo Fotimaning jur’atsizligi tufayli bu taklifga Zuhra rozi bo‘ladi. Biroq, Zuhra singlisiga yetkazilgan adolatni tiklash va aybdorlardan qasos olish niyatida harakat qiladi. Serial insoniy fojialar, adolat uchun kurash va oilaviy qadriyatlar mavzularini chuqur yoritib beradi.